د راتلونكو 24 ساعتونو په مهال د هېواد په بېلا بېلو برخو كښې د باران ورېدو امكان دے۔ د موسمياتو محكمه

اسلام آباد 29 جولائي (اے پی پی﴾ د موسمياتو محكمې وئيلي دي چې د راتلونكو 24 ساعتونو په مهال د هېواد په بېلا بېلو برخو كښې د باران ورېدو امكان دے۔ د موسمياتو له مخې په پېنډې٬ ګوجرانواله٬ سرګودها٬ لاهور٬ فېصل آباد٬ بهاولپور٬ ډي جي خان٬ مالاكنډ٬ هزاره٬ پېښور٬ مردان٬ سكهر٬ شهيد بې نظير آباد٬ مېر پور خاص ډويژن٬ اسلام آباد او كشمير كښې د باران ورېدو امكان دے۔ په كوهاټ٬ بنو٬ ډي آئي خان٬ ملتان٬ حېدر آباد٬ ژوب٬ نصير آباد٬ سبي٬ قلات ډويژن او قبائيلي سيمو كښې هم د باران امكان ښودل شوے۔د راپور له مخې د تېرو 24 ساعتونو په مهال هم د هېواد په يو شمېر سيمو كښې باران شوے۔