مقبوضه بېت المقدس۔5 اپرېل(اے پی پی) اسرائيلي پوليس په مقبوضه بېت المقدس كښې په مسجد اقصی بريد كولو سره ګڼ شمېر لمونځ ګزار ژوبل كړي دي٬ حماس د لويو لاريونونو كال وركړے٬ فلسطینی وګړي په سړكونو جمع شوي او د اسرائيل پولې پلو وړاندې شوي دي٬ د غزه لخوا د اسرائيل په لوري 9 توغندي وتوغولې شوو٬ ګڼ شمېر فلسطيني وګړي ګرفتار كړې شول۔ د فلسطین د سرکاری خبري اژانس وفا رپورټ له مخې اسرائيلي ځواكونو د نهې او شورؤ په منځومانه شپه كښې په مسجد اقصی هغه مهال بريد وكړو كله چې د سوؤنو په شمېر مسلمانان د روژې مباركې مياشتې د شپې په عبادت كښې مشغول وو۔ د امريكې خبري اژانس له مخې د فلسطيني صدر محمود عباس وياند وئيلي چې مونږ قابض طاقت ته د سرې كرښې په په خلاف ورزۍ كولو خبردارې وركوؤ چې دا به د يو لويې تصادم سبب وګرځي۔ بلخوا فلسطيني ډلو په فلسطيني لمونځ ګزارو د اسرائيلي بريد غندنه كولو سره دا جرم ګرځولے دے۔ اردن او مصر هم د دې پیښې غندنه كړې ده۔
