اسلام آباد۔27اکتوبر (اے پي پي)د منصوبه بندۍ ، پرمختګ و خاص اقدامات وفاقي وزير پروفيسر احسن اقبال د کشمير تورې ورځې په موقع د هند د غير قانوني تسلط لاندې جموں و کشمير اولس سره د پاکستان د غير متزلزل يو والي پخلي كولو سره وئېلي دي پاکستان به د کشميري اولس د حق خود اراديت لپاره د دوي اخلاقي، سفارتي او سياسي مرسته روانه ساتي ۔په دې موقع …
پاکستان د کشميري اولس د خپلواكۍ حق لپاره اخلاقي، سفارتې او سياسي مرسته به روانه ساتي ،پروفيسر احسن اقبال

مزید خبریں
اسلام آباد۔27اکتوبر (اے پي پي)د منصوبه بندۍ ، پرمختګ و خاص اقدامات وفاقي وزير پروفيسر احسن اقبال د کشمير تورې ورځې په موقع د هند د غير قانوني تسلط لاندې جموں و کشمير اولس سره د پاکستان د غير متزلزل يو والي پخلي كولو سره وئېلي دي پاکستان به د کشميري اولس د حق خود اراديت لپاره د دوي اخلاقي، سفارتي او سياسي مرسته روانه ساتي ۔په دې موقع خپل پيغام كښې ده ووئېل د کشمير اولس د لسيزو نه د ستونزو او مصائب سره مخ دے ، د دې ستونزو شاته داسې كورونه شته كوم چې د خپلو ګرانو د جدائۍ غم ژاړي ، داسې ماشومان شته كوم چې د يرې په ماحول كښې لويېږي او داسې نسلونه شته كوم چې نن هم انصاف ته منتظر دي ۔ ده ووئېل د کشميري اولس غږ په نړيوالې كچه اورېدل غواړي، د دوي د بنيادي وقار تحفظ او د دوي د هيلو احترام کول غواړي ، د کشمير شخړې منصفانه هواري لپاره د کشميري اولس جذبات و هيلې تر نظره ساتل ضروري دي ۔پروفيسر احسن اقبال ووئېل پاکستان به د کشميري اولس اخلاقي، سفارتي او سياسي مرسته روانه ساتي ۔ ده ملګرو ملتونو او په نړيوالې ورورولۍ زور راوړو چې هغوي د سلامتي کونسل اړوند قراردادونو او د کشميري اولس د هيلو تر مخه د كشمير شخړې منصفانه او تل پاتي هواري لپاره خپل مؤثر کردار ادا کړي ۔










