د وزیراعظم د سېلګرۍ  اقدام تر مخه د  ګلګت بلتستان 464 کلومیټره  7  سړکونه وفاق ته سپارلو لپاره خوښ كړے شول

اسلام آباد۔7ستمبر  (اے پي پي ) حکومت د وزیراعظم د سېلګرۍ اقدام  تر مخه ګلګت بلتستان  كښې  په مجموعي توګه 464 کلومیټره اوږده  7 سړکونه وفاق ته د سپارلو لپاره  خوښ كړې دي ۔ ویلتھ پاکستان  ته د تر لاسه سرکاري دستاویزات  تر مخه  منصوبه كښې د منطقې  د خوښو كړو سړکونو جوړول ، پراختيا ، بيا رغونه او تر ډېرې مودې څارنه  شامله ده۔ په دغه لارو كښې 54 کلومیټره د استور-چلم چوکۍ سړك ، د 31 کلومیټره دیوسائي-سکردو سړك، د 100 کلومیټره سکردو-خپلو سړك ،د  17 کلومیټره سکردو (تھورګو)-شګر سړك او د  36 کلومیټره اوږد ایچ-نلتر  نه تر سترنګي  ډهنډ سړكونه شامل دي ۔ په پاتي دوو لارو كښې د 121 کلومیټره اوږد تھلیچي -استور-رتو-شونټر سړك او د  105 کلومیټر  اوږد ګوریکوټ –شغرتھنګ -سکردو سړك شامل دي ،  په دې دواړو دا وخت كار روان دے   ۔د خوښو شوو 7  سړکونو مجموعي اوږد والے  464 کلومیټره دے  ۔ د دستاویز  له مخې د دې تجویز  د ګلګت بلتستان کابینې د وړاندې نه منظوري وركړې ده  او مفاهمتي یادداښت (ایم او یو) د نیشنل هائي وے اتھارټي (این ایچ اے) سره شیئر كړے شوے دے ۔