سیرتِ نبوي ۖ  زمونږ لپاره  د ژوند مكمل ضابطه ده ، د ځوانانو د مسائلو  حل په اسلامی تعلیمات او  سیرتِ  طيبه كښې پروت دے ، سیدال خان ناصر

اسلام آباد۔3ستمبر  (اے پي پي)  د سېنېټ لنډ مهاله چیئرمین سیدال خان ناصر وئېلي دي  سیرتِ نبوي  ۖ  زمونږ  لپاره مکمل د ژوند  ضابطه او د دنیا و آخرت د کامیابۍ حقیقي لاره ده ، په  حاضر وخت كښې ځوانانو ته د پیښو  تعلیمي ، معاشي او  سماجي چیلنجز  تل پاتي حل  په اسلامي تعلیمات او سیرتِ طیبه په رڼا كښې لټولے كېدے شي ۔ ده د دې خیالاتو څرګندونه د الحمد اسلامک یونیورسټۍ د علومِ اسلامیه څاڼګې تر سېوري لاندې   دويم نړيوال سیرت کانفرنس 2026ء د اسلام آباد سیشن  ته د خاص مېلمه په  حېث خطاب کښې وكړه ۔  د کانفرنس  موضوع “ِپه  حاضر وخت كښې ځوانانو  ته د پیښو  تعلیمي ، معاشي او  سماجي چیلنجز او  د سیرتِ طیبه په  رڼا كښې د هغې  حل”  ؤ ۔ لنډ مهاله چیئرمین ووئېل  د نبي کریم حضرت محمد مصطفی  ۖ   مبارک سيرت د ټول انسانیت  لپاره  د رحمت، امن، مينې، مساوات، عدل او  روادارۍ عملي نمونه ده ٬ نړۍ    سائنس، ټیکنالوجۍ او مادي ترقۍ كښې ځانګړې کامیابۍ تر لاسه كړي دي خو  انسان نن هم  نا قراره،  د نفرت، تعصب او د تحفظ نشتوالي غوندې مسائلو ښكار دے، په داسې حالاتو كښې  سیرتِ طیبه  ۖ  بس  هغه روښَانه لاره ده  كومه چې انسانیت ته د امن، مينې او   احترام درس وركوي ۔سیدال خان ناصر ووئېل  نن په نړۍ كښې شرېكې بقا، روادارۍ او د مذهبي هم غږۍ ضرورت د وړاندې نه ډېر زيات دے ، ده ووئېل میثاقِ مدینه د مختلف مذهبونو او  طبقات  تر مينځه  د امن،  احترام، د حقونو د تحفظ او د  ذمه وارو د ادائیګۍ تاریخي نمونه ده ، د فتح مکه په موقع  رسول اکرم ۖ    مثال نه لرونكے عفو و درګزر هم د انسانیت  لپاره عظیم مثال دے  ۔ ده ووئېل  نبی کریم ۖ  د نبوت نه وړاندې   هم  د صداقت او  امانت  له امله  د صادق و امین په لقب  ياد ؤ ،كه مونږ په ټولنه  كښې حقیقي بدلون ، امن او  ترقي غواړو  نو رښتونولي ، دیانتداري، امانت، د وعدې تر سره كول ، عدل او ښه  اخلاق به د خپل ځانګړي او اجتماعي ژوند برخه جوړول وي ۔ لنډ مهاله چیئرمین ووئېل ځوانان د كوم هم هېواد تر ټولو قیمتي سرمایه او د سباون  معمار وي ، پاکستان خوش قسمته دے  چې د ده 60 فیصده نه زياته  وداني په ځوانانو  مشتمل ده ، ده ووئېل  د ځوانانو په جدید تعلیم، تحقیق او  هنر  سنګار  سره سره سره اسلامي اقدار، اخلاقیات او د سیرتِ طیبه  ۖ  سره آشنائي  مهم ضرورت دے ۔ ده ووئېل په ځوانانو  كښې نفرت، تعصب او د منفی رجحانات وده تشویشناکه ده ، د ځوان نسل  اصلاح  لپاره د دوي د زړونو څخه  بغض او نفرت ويستلو سره به  علم، کردار، برداشت، مثبت سوچ او  شريك احترام ته به وده وركول وي