تور زيړے په نړيواله كچه د مرګونو اتم لوي سبب دے، د كوم له امله چې هره ورځ نزدې 3500 كسان مري٬  ډبليو ايچ او

اسلام آباد۔26جولائي (اے پي پي) د روغتيا نړيوالې ادارې وئېلي دي تور زيړے په نړيواله كچه د مرګونو  اتم لوي سبب دے  ، د كوم له امله چې هره ورځ نزدې 3500 كسان مري ٬ دغسې په ګرده نړۍ كښې هر كال نزدې  1.4 ملین كسان د ژوند څخه لاس وينځي ۔ د روغتيا پوهانو تر مخه  راپور كښې وئېلي شوي د هیپاټائټس  څخه د مرګونو تر ټولو لويه وجه د  هیپا تائټس بي او سي دائمي انفیکشن دے  كوم چې د ژوند اغستو پېچلتياو سبب ګرځي  ۔  په ګرده نړۍ كښې  نزدې 30 کروړه  40 لاکھه كسان د هیپاټائټس د وائرس ځپلي دي ۔ د ملګرو ملتونو  تر مخه  پاکستان كښې  هیپاټائټس بي او  سي څخه د ځپلو شمېر   يو کروړ 20 لاکھه ته نزدې دے ۔   نامتو  طبي ماهر ډاکټر شهزاد حسین خپل راپور كښې وئېلي دي  پاکستان كښې د  هیپاټائټس مجموعي شرح نزدې  د  7.6 فیصد برابر ده  چې پكښې  هیپاټائټس سي نه  4.8 فیصد  او د  هیپاټائټس بي نه  2.5 فیصد  خلق متاثره دي ۔ ده ووئېل غیر محفوظ انجیکشن او  د بيا كارېدونكو سرنجونو څخه  پاکستان  په هیپاټائټس سي  كښې په نړۍ كښې په دوېم لمبر دے   ده ووئېل  پنجاب كښې 5.4 فیصد كسان د  هیپاټائټس سي ٬  سندھ كښې 2.55 فیصد  نه تر 14.3 فیصد،خیبر پښتونخوا كښې  6.07 فیصد كسان د  هیپاټائټس سي ځپلې دي او  بلوچستان كښې دا شرح 25.77 فیصد ته رسېدلې ده ۔ ډاکټر سکندر اقبال خپل  رپورټ كښې وئېلي دي د روغتيا نړيوالې ادارې تر كال  2030 هیپاټائټس  د اولسي روغتيا  لپاره د خطر  په توګه ختمولو  هدف ټاكلے دے د كومې تر مخه چې نوې انفیکشنز كښې 90 فیصده  او د كال  مرګونو كښې 65 فیصد د کمي راوستو  هدف مقرر کړے شوے ۔ دغسې د ځپلو كسانو  90 فیصد تشخیص  او  80 فیصد د درملنې  او  د هیپاټائټس بي ویکسی نیشن اهداف  كښې  شامل دي ۔ دغسې نړيوالې ادارې د نوو زېږېدونكو كوچنيانو  د تور زيړي نه  تحفظ په اړه  حفاظتی ویکیسی نیشن  د  90 فیصد نه د زياتولو  شرح  هم هدف ګرځولې ده ۔