د ريلوے سسټم په جديد كولو او د مالي استحكام لپاره 10 كلنه تګلاره باندې كار پېل ك شوے ۔محمد حنيف عباسي

اسلام آباد23  جولائي (اے پي پي)د پاكستان حكومت ريلوے نظام  د جديد تقاضو څخه سمولو او  په مالي توګه مستحكمولو لپاره تر  كال 2033  په جامع سټريټجك تګلاره  په رسمي توګه كار پېل كړے دے٬د دې 10 كلنې پروژې ترمخه  د مين لائن 1 او مين لائن 3  په اپ ګريډيشن٬سيمه ايزو مواصلاتي رابطو كښې د ښه والي او  د ريلوے ټولې څانګې جديد د ډيجيټلائزېشن پشان بنيادي او كليدي پروژو باندې پېشرفت تندۍ سره روان دے۔د دې خيالاتو څرګندونه د ريلوے وفاقي وزير محمد حنيف عباسي اسلام آباد كښې د “اړان پاكستان”پروګرام له مخې  د پاكستان ريلوے په اړه راجوړ كړي خاص ګول ميز كنفرنس ته خطاب كولو په مهال وكړه ۔ده ووئيل   د مالي كال 2025-26 په مهال پاكستان ريلوے 115 اربه روپۍ ريكارډ آمدن ترلاسه كړے٬ د ادارې مجموعي آمدن 24.2 فيصد زيات شوے او آپريټنګ ريشو 96 فيصد څخه په كمېدو 84 فيصد ته راغلې ده ۔ده ووئيل مال بردارۍ څخه ترلاسه آمدن 32 ارب روپو څخه تر 41 ارب روپو رسېدلې او پراپرټي و لينډ ريونيو كښې 113 فيصد تاريخي پېشرفت شوے ۔د ريلوے وفاقي وزير د فورم په كولو د منصوبه بندۍ وفاقي وزير احسن اقبال مننې كولو سره ووئېل د ريلوے بحالي يوازې ټرانسپورټ نه بلكې د قامي معاشي پرمختګ پروژه هم ده۔محمد حنيف عباسي ووئيل د پاكستان ريلوے د زياتره برخې خپل معاشي او تكنيكي عمر پوره شوے ځكه چې ماضي كښې په دې مطلوبه سرمايه كاري نه ده شوې۔ده ووئيل  تهركول ريلوے په كنيكټيوټي پروژه 60 فيصد كار بشپړ شوے  او پاتي به تر دسمبر 2026  بشپړ كړے شي۔