د راروانو 24 ساعتو په مهال به د هېواد په زيارتره سيمو كښې موسم ګرم او مرطوب  وي

اسلام آباد 08 جولائي  (اے پي پي) د راروانو 24 ساعتو په مهال به د هېواد په زيارتره سيمو كښې موسم ګرم او مرطوب  وي  دغسې کشمير، بره خېبر پښتونخوا ، شمالي ختيز پنجاب،ختيز بلوچستان او ګلګت بلتستان كښې په ځيني ځايونو د باران امکان دے۔ د موسميات محکمې له مخې د تيرو 24 ساعتو په مهال د هېواد په زياتره سيمو كښې موسم ګرم او مرطوب ؤ دغسې بره خېبر پښتونخوا، بره پنجاب، شمالي ختيز بلوچستان، کشمير او ګلګت بلتستان كښې په ځيني ځايونو د سيلۍ سره  باران شوے۔د شورو په ورځ ريکارډ کړې شوي زيات درجه حرارت :  تربت ،دادو كښې 45، سبي ، بھکر او خانيوال كښې 44 ډګري سينټي ګريډ ريکارډ شوے ۔د موسميات محکمې وئيلي دي  د موجوده صورتحال ترمخه بحيره عرب څخه مرطوب سيلۍ د هېواد بره او مينځني سيمو ته داخليږي دغسې يو د لويديزي سيلۍ سلسله به د هېواد په ځيني سيمو اثر پرېباسي۔