ايران ته به د روس نه د آزربائيجان د لارې د ګاز وركړه زر پېل شي٬ د ايران سفير

ماسكو۔ 25 اګست ( اے پي پي) ايران هيله څرګنده كړې چې هغوي ته به ډېره زر د روس څخه د آزربائيجان د لارې د ګاز وركړه پېل شي۔ د تاس تر مخه دا خبره د ايران سفير كاظم جلالي وكړه۔ هغه ووئېل ايران ته د ګاز وركړې لپاره د ګيزپروم سره ټولې چارې تر سره شوي دي۔ سفير ووئېل مونږ هيله لرو چې دا به زر ممكن شي٬ زمونږ لا د ګېزپروم سره خبرې روانې دي او نزدې ټول مسائل حل شوي دي٬ يوازې په بيعه اتفاق پاتي دے ۔ چې كله دا معامله تر سره شي نو هر څه به وړاندې لاړ شي۔ د دې نه وړاندې د روسيه د توان سفير سرګئ سېوېلېف وئېلې وو د روسيه ګاز ترسيل به ايران ته په 2025 كښې پېل شي كوم به چې د آزربائيجان د موجوده سټركچر د لارې كولې شي او د دې د كال حجم به 8۔1 ارب مكعب ميټر وي۔