جمیکا۔30جولائی(اے پی پی) د وېسټ انډيز او پاكستان كركټ لوبډلو ترمينځه په درېو ټي ټونټي نړيوالو مېچونو د مشتمل سيريز اولنے مېچ به د اګست په اولنۍ نېټه سېنټرل بروورډ ریجنل پارک سټېډیم ټرف ګراؤنډ، لاډر هل، فلورېډا كښې كيږي۔ دا مېچ به نائټ وي او د فلډ لائټس په رڼا كښې به كولې شي۔ د پاكستان كركټ لوبډله دا مهال د وېسټ انډيز په دوره ده او ګرين شرټس به د خپلې دورې په مهال د كوربه لوبډلې په ضد د 3 ټي ټونټي او 3 يو ورځني مېچونو سيريز كوي۔ قامي كركټ لوبډلې د وېسټ انډيز په ضد اولني ټي 20 مېچ څخه وړاندې د لاډرهل براورډ كاؤنټي سټېډيم كښې بشپړ پرېكټس وكړو۔ د وېسټ انډیز په ضد د درېو ټي ټونټي مېچونو په سيريز كښې به د پاكستانۍ لوبډلې مشري نوموړے آل راؤنډر سلمان آغا كوي۔ د دواړو لوبډلو ترمينځه د ټي ټونټي سيريز دويم مېچ به په 3 اګست او درېم او وروستے به په 4 اګست كولې شي۔۔ د ټي ټونټي سيريز له ترسره كېدو څخه وروستو به د پاكستان لوبډله برائن لارا سټېډیم، تاروبا، ټرېنېډاډ ته رسي چرته به چې د درېو يو ورځنو مېچونو اولنے مېچ په 8 اګست ٬ دويم په 10 اګست او درېم او وروستے مېچ به په 12 اګست كوي
