په افغانستان كښې د ګاډي ژورې كندې ته پرېوتو له امله د يوې كورنۍ 6 كسان مړه شول

کابل۔16دسمبر(اے پی پی) د افغانستان په هلمند ولايات كښې د يو ګاډي ژورې كندې ته د پرېوتو په نتيجه كښې د يوې كورنۍ 6 كسان مړه شوي دي۔ دا خبره د اطلاعات او كلتور صوبائي څانګې تېره ورځ وكړه۔ د شنهوا له مخې دا پېښه د هلمند ولايت په باباجي اولسوالۍ كښې هغه مهال رامخې ته شوه كله چې ګاډې بې قابو كېدو سره ژورې كندې ته پرېوت۔ د پېښې په نتيجه كښې د مېرمنو او كوچنيانو په شمول 6 كسان مړه شوي ۔ دا خبره دې ښكاره وي چې تند رفتاري او خراب سړكونه د ترافيكي پېښو په سببونو كښې شامل دي