د نائب وزیراعظم اسحاق ډار د تركيه د فتح ورځې په 104 مه كليزه ترک مشرتابه ٬ حكومت او اولس له مباركي

اسلام آباد۔30 اګست (اے پی پی) نائب وزیراعظم / خارجه وزير سېنېټر اسحاق ډار د تركيه د فتح ورځې 104 مې كليزې په موقع ترك مشرتابه ٬ حكومت او اولس له مباركي وركړې وركولو سره وئيلي دي چې مونږ  ترك ورونړو خوېندو سره په ګډه د تاريخي بريا خوشحالۍ لمانځو او د غازي مصطفی كمال اتاترك په شمول د تركيه د آزادۍ جنګ ټولو اتلانو او شهيدانو قربانيو ته پېرزوئنې وړاندې كوو۔ د اتوار په ورځ په اېكس خپل پېغام كښې نوموړي ووئيل مونږ د ترك قوم عزم٬ حوصلې او د ثابت قدمۍ ځانګړې جشبې ته سلام كوو۔ هغه ووئيل پاكستان تركيه يو بل سره د متقابل باور ٬ مينې او قلبي پېوستون په خپلولۍ تړلي دي۔ ده ووئيل پروردګار دې زمونږ د ملګرتيا دا اړيكې تل مضبوطې او مستحكمې ساتي۔