په ګرد افغانستان كښې مزاحمت كښې  تندي راغله ، د طالبان رجیم په هېواد کمزورے كېدونكې كنټرول   

اسلام آباد۔21اګست  (اے پي پي) د طالبان رجیم خلاف په تېره يوه اوونۍ كښې مزاحمتي هلو څلو  كښې څرګنده تندي راغلې،  كومې چې بېلا بېلو ولايتونو كښې د طالبانو په امنيتي ډھانچه د زياتېدونكې فشار خبر وركوي ۔د میډیا رپورټس تر مخه  د افغان فریډم فرنټ ( اے ایف ایف)،  این آر ایف او  اے یو ایف   بغلان، کندوز، بدخشان، هلمند او قندھار كښې  هدفي بريدونه كړي او  نيغ پخ نيغه نښې شوي دي ،  چې پكښې د طالبانو پوځي مرکزونه ،  امنيتي پوستې، مورچې او مهم تنصیبات  په نخښه كړے شوي ۔ په 16 اګست  این آر ایف  د بغلان  په فیرنګ اولسوالۍ كښې طالبان په نخښه كړل  چې پكښې 1 طالب اهلکار وژل شو او  2  ژوبل شول ۔  په 15 اګست قندوز  كښې د طالبانو په اووم  پولیس زون  بريد كښې 3 طالبان ووژل شول او  يو پوځي ګاړے  تباہ شو ۔  په 16 اګست AFF د بدخشان ولايت په زیبک كښې د  طالبانو په ځايونو بريد وكړو چې پكښې 6 طالبان مړه او 8  ژوبل شول ۔ د افغان فریډم فرنټ تر مخه طالبانو ته په څو ځايونو كښې یه شا تلل ورپغاړل شول او  ځېنې ځايونه او مورچې د فرنټ په قبضه كښې راغلې  ۔ په 20 اګست زیبک كښې يو وارې بيا بريد وشو  كوم چې  تر 3  نيمو ساعتو  روان ؤ  ٬ په دغه ڼښته كښې 6 طالبان ووژل شول او د لږ نه لږ  10  ژوبل شول٬ دغسې د طالبانو د اړخه  د ګڼو مورچو د بېرته نيولو هڅې  ناكامه كړې شوې ۔ په 19 اګست فیض آباد كښې د  طالبانو والي دفتر او په امنيتي  پوسته افغان فریډم فرنټ  د راکټ بريد وكړو او تر  نيم ساعت دغه نښته روانه وه  چې پكښې 4 طالبان وژل شول او  5 ژوبل شول ۔  په 18 اګست  اے یو ایف   په  لښکرګاہ كښې د  کارروائۍ په مهال 4 طالبان  ووژل او  يو د  رینجر ګاړی تباہ وكړو ،دغسې په  19 اګست  قندھار كښې  د طالبانو د  205 کور  په  پوځي مرکز داخلي لاره  بريد كښې 5 طالبان  ووژل او  3  ژوبل شول او  يو  پوځي ګاړی تباہ شو ۔ په يوه اوونۍ كښې د لږ نه لږ 29 طالبان اهلکار مړه   او 28  ژوبل  او دغسې 3 ګاړي تباہ شول ۔ بغلان، کندوز، بدخشان، هلمند او تر قندھار  د مزاحمت خپرېدل دا څرګندوي چې شخړه تر كومې يوې سيمې  محدود نه ده ۔ 5 كاله پس هم طالبان د بشپړ کنټرول ادعا کوي ،خو زياتېدونكې بريدونه ، تمبېدل او  پرله پسې نښتې د دغې ادعا حقیقت ښائي ۔