تعليم، څېړنه، ټېکنالوجۍ، سپورټس، سوداګرۍ او د ژوند بېلابېلو برخو کښې زمونږ ځوانان خپل صلاحيتونه ثابتوي: ډاكټر طارق فضل چوہدری

اسلام آباد۔12اګست (اے پی پی) د پارلماني چارو وفاقي وزير ډاکټر طارق فضل چوهدري پاکستاني ځوانانو ته درناوی وړاندې کولو سره ويلي دي زمونږ ځوان كول خپلې سختې خوارۍ ، استعداد او عزم سره د هېواد راتلونکي ته نوې هيله ورکوي۔ ددې خيالاتو څرګندونه هغه د ځوانانو د نړيوالې ورځې په مناسبت خپل پيغام کښې وكړه۔ هغه وويل ځوانان نه يوازې د راتلونکي وارثان دي بلکې د نن ورځې پاکستان په جوړولو کښې هم مهم رول لوبوي۔ زمونږ ځوانان په تعليم، څېړنه، ټېکنالوجۍ، سپورټس، سوداګرۍ او د ژوند په بېلابېلو برخو کښې خپلې وړتياوې ثابتوي٬مونږ په خپل ځوان كول بشپړ باور لرو۔ که چېرې دوی ته سمه لارښوونه، معياري زده کړه، عصري مهارتونه او د پرمختګ لپاره مساوي فرصتونه ورکړې شي نو همدغه ځوانان پاکستان د پرمختګ او سوکالۍ نوو بامونو ته رسولې شي۔ هغه وويل چې دا زمونږ د ټولو مسؤوليت دے چې د ځوانانو استعدادونو ته مثبت جهت وركړو، د دوی خوبونه په فرصتونو بدل کړو او د ملي پرمختګ په سفر کښې يې حقيقي ملګري کړو.