د سېنېټ چیئرمین سید یوسف رضا ګیلاني سره د سوئېلې کوریا اعلې كچ پلاوي ملاقات

اسلام آباد۔30جولائي  (اے پي پي) د سېنېټ چیئرمین سید یوسف رضا ګیلاني سره د جمهوریه سوئېلې كوريا  يو اعلې كچ  پلاوي د زيارت په ورځ  پارلیمنټ هاؤس كښې ملاقات وكړو او د پاکستان او سوئېلې كوريا تر مينځه د  بائیو ټیکنالوجي ، مصنوعي ځېركتيا ، روغتيا ، فارماسیوټیکل او د آئي ټي  پشمول د بېلو څانګو  د مرستې په وده يې د خيالاتو څرګندونه وكړه۔د پلاوي مشري د كے او اے بائیو (KOA-Bio) چیف ایګزیکټو آفیسر چو وكړه ٬ دغسې د سوئېلې كوريا د نامتو کمپنیو مختلف څانګو څخه تړون لرونكې  اعلیٰ چارواكي هم پلاوي كښې شامل وو  ۔ د سینیټ سیکرټریټ تر مخه د  ملاقات  په مهال د سینیټ چيئرمېن پاکستان او د  سوئېلې  کوریا  تر مينځه د زړې دوستانه شراکت دارۍ رامخې ته كولو سره ووئېل پاکستان د دواړو هېوادونو تر مينځه اقتصادي او  تکنیکې مرستې ته ډېر اهمیت وركوي۔ ده ووئېل  د پاکستان او سوئېلې كوريا تر مينځه تجارت، سرمایه کارۍ ، ټیکنالوجي او د  تعلیم  په څانګو كښې مرسته پرله پسې  وده مومي ۔سید یوسف رضا ګیلاني ووئېل بائیوټیکنالوجي ، فارماسیوټیکل، صحت، مصنوعي ځېركتيا  او د  آئي ټي په څانګو كښې د مرستې پراخه  موقعې موجود دي ۔ ده  بائیوټیکنالوجي ، جدید داروګانو جوړولو او  کلینیکل ریسرچ كښې  اوږد مهاله شراکت داري  ضروري ګرځولو سره  ووئېل شريكو منصوبو، د ټیکنالوجي منتقلۍ او  ادارہ جاتي مرستې  له به لا  وده وركول وي ۔چیئرمین سینیټ ووئېل پاکستان كښې  د پوهنتونونو ، طبي ادارو، تحقیقاتي مراکز او د پوھانو صلاحیت لرونكے افرادي قوت موجود دے كوم چې جدیدو سائنسي او  طبي څنګو كښې د نړيوالې  شراکت دارۍ لپاره سازګار ماحول وركوي ۔ ده د  سوئېلې کوریا کمپنیو ته پاکستان كښې په  طبی آلات، ډیجیٹل هیلتھ او بایومیډیکل انجینئرنګ څانګو كښې د سرمایه کارۍ بلنې وركولو سره ووئېل د پارلیماني سفارتکارۍ د لارې هم د دواړو هېوادونو شرېكې اړېكې لا مستحکمېدې شي ۔ د  کوریا پلاوي د پاکستان زياتېدونكې  سائنسي صلاحیتونو او د  سرمایه کار دوست پالیسیو ستائنه وكړه  او بېلو  څانګو كښې د مرستې  لا امکانات لټولو لهيې خوښي ولرله