د كشمير٬ګلګت بلتستان چارو وفاقي وزير په مشرۍ كښې د پاكستان مسلم ليګ(ن) د پارليماني پارټۍ غونډه

ګلګت 06 جولائي (اے پي پي)د پاكستان مسلم ليګ(ن) د پارليماني پارټۍ غونډه د كشمير و ګلګت بلتستان چارو وفاقي وزير انجينئر امير مقام په مشرۍ كښې په ګلګت كښې وشوه ۔د كل په ورځ د وزارت لخوا جاري شوي بيان له مخې په غونډه كښې د پاكستان مسلم ليګ(ن)نوو ټاكلے شوو د اسمبلۍ غړو ګډون وكړو ۔د غونډې په مهال د ګلګت بلتستان په سياسي صورتحال٬پارليماني چارو٬راتلونكې تګلارې او په اولسي مسئلو تفصيلي د خيالاتو څرګندونه شوی۔په دې مهال ګډون كوونكو د اولسي خذمت٬پرمختيائي پروژوو په وخت بشپړولو او د ګوند  لا فعاله كولو  له  عزم پخلے هم وكړو۔