پنجاب كښې د پاك پوځ ریسكیو اینډ ریلیف آپرېشن روان دے،ګڼ شمير ځپلي محفوظ ځايونو ته رسولې شوي

اسلام آباد 03 ستمبر (اے پي پي) پنجاب كښې د پاك پوځ ریسكیو اینډ ریلیف آپرېشن روان دے په دې مهال ګڼ شمير ځپلي محفوظ ځايونو ته رسولې شوي دي۔ د شورو په ورځ د جاري شوې تفصیلاتو له مخې كھولړه پوائنټ ، هسو والی ،بدھوانه ، جھنګ او ضلع چنیوټ كښې د پاك پوځ او سول انتظامیې ریسكیو اینډ ریلیف آپریشن روان دے، سېلاب ځپليو سيمو كښې ګڼ شمير كسان او څاروي محفوظ ځايونو ته رسولې شوي،د پاك پوځ ځوانانو د كشتو د لارې ځپلي ریسكیو كړي، پاك پوځ سېلاب ځپليو سيمو كښې امدادی كبمپونه جوړ كړې دي او ځپليو له راشن او داروګان وركوي، سېلاب ځپليو لپاره دغه سيمو كښې فری میډیكل كیمپ هم جوړ كړے شوے، ډاكټران او پیرا میډیكل سټاف، سېلاب ځپليو سيمو كښې فری میډیكل كیمپس كښې خذمات ترسره كوي،تر دې دمه ګڼ شمير وګړي،ميرمني او ماشومان محفوظ ځايونو ته رسولې شوي۔ بلخوا سېلاب ځپليو د پاك پوځ كردار ستائلے دے۔