نوې ډيلې ۔5 ستمبر(اے پی پی) هند پاك چين پولې سره پېوستو قطبي سيمو كښې 10 ورځنې فضائي مشق پېل كړے دے۔ د كشمير ميډيا سروس له مخې تېره ورځ پېل شوي فضائي مشق كښې د جنګي الوتكو په شمول رافیل او میراج او دغسې جنګي چورلكې ٬ چنوک، اپاچی او نورې برخه اخلي۔ دا مشق به تر 14 ستمبر دوام لري۔ هند دا مشق پاك چين پولې سره پېوست شمالي سيمو لداخ، هماچل پردیش، جموں و کشمیر ، پنجاب ،اتراکھنډ، سکم او اروناچل پردیش كښې په 1400کلومیټر سيمه كښې كوي۔ فضائی مشق كښې د برخه اخستونكو جنګي الوتكو د آواز له امله د كشمير اولس سختې ويرې سره مخ شوي دي۔ د دفاعی تجزیه کارو له مخې دا مشق د پاك چين فضائی مشق ‘شاهین ایکس’ په ځواب كښې پېل كړې شوې دې چې مقصد يۍ په سيمه كښې خپله سرلوړي ثابتول دي۔ چین پاکستان تربیتی فضائی مشق د اګست په پايه كښې پېل شوې او دا به د ستمبر تر نيمائي دوام لري۔
