افغانستان كښې د طالبانو خلاف وسله وال مزاحمت ګړندے شو ، نورستان او کنړ كښې  په بېلو پوستو د قبضې ادعا

کابل۔28ستمبر  (اے پي پي) افغانستان كښې د  طالبان رجيم خلاف وسله وال مزاحمت پرله پسې ګړندے كېږي  او  په بېلا بېلو  ډګرونو طالب ځواكونه د سخت فشار سره مخ دي ۔ افغان ولايتونو نورستان او  کنړ كښې  د  طالبانو او  مزاحمتي ځواكونو تر مينځه د نښتو  د شدت  له امله منطقه كښې  د امنيت  صورتحال ډېر ناوړه شوے دے ۔د افغانستان فريډم فرنټ (اے ايف ايف)ادعا كړې ده  چې په نورستان او کنړ كښې د  کارروائيو په مهال  5 طالب جنګيالي وژلې شوي  او 10  ژوبل شول ۔ د وياند تر مخه د کارروائيو په مهال د طالبان رجيم ګڼې  او مهمې   پوستې  قبضه كرې شوي ۔  بل پلو  د افغانستان نيشنل ريزسټنس فرنټ هم د  آزادۍ او خود مختارۍ په دې هلو ځلو كښې د اے ايف ايف  بشمول د نورو مزاحمتي ډلو د مکمل مرستې اعلان کړے دے ۔ د دفاعي  پوهانو  وېنا ده  په کابل قابض طالبان رجيم خپل غير قانوني اقتدار  ته دوام وركولو له  له د مختلف  ترهه ګرو تنظيمونو مرسته كوي  د كومې په نتيجه كښې چې هېواد دننه د اړي ګړي او  زياتېدونكو وسله والو  کارروائيو سره مخ شوے دے ۔