د وزیراعظم د اطلاعات و خیبر پښتونخوا چارو صلاحكار  اختیار ولي خان په خیبر پښتونخوا كښې د ترهه ګرۍ  په زياتېدونكو  پیښو او د  پولیس اهلکارو  په شهادتونو د اندېښنې  څرګندونه وكړه

اسلام آباد۔28ستمبر  (اے پي پي)د وزیراعظم د اطلاعات او خیبر پښتونخوا چارو صلاحكار اختیار ولي خان په خیبر پښتونخوا كښې د ترهه ګرۍ  په زياتېدونكو پیښو  او  د پولیس اهلکارو په شهادنونو  د اندېښنې څرګندونې سره  صوبائي حکومت  څخه د خپلو  ترجیحاتو واضحه كولو   او د ترهه ګرۍ  خلاف موثر ګامونو پورته كولو  غوښتنه كړې ده ۔د ګل په ورځ د قامي اسمبلۍ غړې ثمر هارون بلور سره پریس کانفرنس ته خطاب کښې د وزیراعظم  کوآرډینیټر خیبر پښتونخوا كښې د ترهه ګرۍ  په زياتېدونكو پیښو ،  د پولیس اهلکارو  په شهادتونو  او  صوبه كښې د امنيت  په وضعه د اندیښنې  څرګندونې كولو سره ووئېل  د ترهه ګرۍ خلاف جنګ كښې د  صوبائي حکومت جدي كېدل او  خوښي نه ښكاري ، بلکې داسې محسوسېږي چې  په كومه  لاره يا بلا واسطه د قاچاق برو،ترهه ګرو  ، د  مكدوره توكو نیټ ورک او  دغې سره د تړلو عناصر ته سهولت وركړے كېږي ، صوبه كښې د ترهه ګرۍ  زياتېدونكو پیښو  په اړه صوبائي حکومت له به ځواب وركول وي ،  ټولو سیاسي ګوندونو  ته د وړاندې كړو حقائقو تحقیق او  تصدیق كول غواړي ۔  ده ووئېل د جنورۍ  2025ء  نه تر  30 جون 2025ء او د  جنورۍ 2026ء  نه  د اوسنۍ مودې د تقابلي جائزې  تر مخه  د پولیس اهلکارو شهادتونه  نزدې 93 فیصد زيات شوي او د پولیس اهلکار د ژوبل  كېدو پیښې  108 فیصد زياتې شوي دي ۔ ده ووئېل د ترهه ګرۍ  بريدونو كښې هم نزدې 33.9 فیصد زياتوالے راغلے  دے  ۔ده ووئېل د وړاندې كړې شمېرې د  مختلف ادارو څخه تصدیق شوے دے او دا ډیټا  د مسلم لیګ (ن) ډلې ، پارلیمنټیرینز، صوبائي و ضلعي عهدیدارو او  د ځېنې خبريالانو  په مرسته مرتب کړې شوې ده ۔اختیار ولي خان ووئېل  په 2025ء  كښې د  جنورۍ نه  تر  30 جون خیبرپښتونخوا كښې د  پولیس 63 اهلکار شهیدان شوي   او سږ كال په دغې موده كښې 122 پولیس اهلکار شهیدان شوي دي ۔ دغسې تېر كال د پولیس  84 اهلکار  ژوبل شوي وو   او سږ كال دغه شمېره  175 ته رسېدلې ده ۔ ده ووئېل  پیښور او  قبائلي ضلعو كښې  د ترهه ګرۍ  680 پیښې رامخې ته شوي او د ترهه كرۍ د پیښو لړۍ روانه ده ۔ د وزیراعظم کوآرډینیټر د  کاؤنټر ټیررازم ډیپارټمنټ (سي ټي ډي) د وسائل  په اړه هم پوښتنې كولو سره ووئېل  ګرده خیبرپښتونخوا كښې د  سي ټي ډي سره  يوازې 9 ایم فور رائفلز او  11 نائټ وژن ډیوائسز  شته ۔ ده ووئېل  د صوبې سره  په مجموعي توګه 17 بلټ پروف ګاړې دي  او د  پنجاب سره نزدې 76 او  بلوچستان سره 42 بلټ پروف ګاړي موجود دي ۔ د ده وېنا وه د ترهه ګرۍ خلاف کارروائیو لپاره کروړونه روپۍ جاري كړې شوي  خو دغه   پیسه په زمكه نه ښكاري ،كه دا  وسائل  په وسله ، بلټ پروف ګاړو ، نائټ وژن ډیوائسز او په بلټ پروف جیکټس  اغستو مصرف كړې شوې وو   نود  پولیس اهلکارو په مرګونو كښې  کمے راوستلے كېدے شو  ۔اختیار ولي خان ووئېل  خیبرپښتونخوا كښې د ترهه ګرۍ مخ نيوي لپاره   د جاري  فنډز  كارولو  پلټنې د نیب، ایف آئي اے او نورو  تحقیقاتي ادارو له پكار دي۔  ده اندیښنه ښكاره كړه  دا وسائل سیاسي هلو ځلو او  مارچز  لپاره مصرف كېږي ۔ده ووئېل  صوبه كښې پولیس د ترهه ګرۍ خلاف شهادتونه وركوي خو هغوي ته  جدید وسله ، بلټ پروف جیکټس،ګاړی او  نائټ ویژن ډیوائسز  په څير بنیادي آسانۍ  نه وركړې كېږي  ۔ده ووئېل  د خیبرپښتونخوا حالات داسې دي چې د  صوبې سیاسي ګوندونو او  قیادت  ته د ترهه ګرۍ  مسئلې ته پام لرنه به كول وي ۔ ده په پاکستان تحریک انصاف د ترهه ګرو تنظیمونو د سهولت کارۍ تور لګولو سره ووئېل  صوبه كښې د ترهه ګرۍ  زياتېدونكو پیښو په اړه به  صوبائي حکومت له چواب وركول وي ۔ ده د وزیراعلیٰ سهیل آفریدي نه غوښتنه وكړه چې هغه په صوبه كښې د زياتېدونكې ترهه ګرۍ سمدستي چواب وركړي او  د زمكې په كچه اقدامات وكړي ۔اختیار ولي خان ووئېل صوبه كښې  د هسپتالونو ، یونیورسټیو  او  پولیس نظام په اړه هم سنجیدہ مسائل رامخې ته كېږي ۔ په  پولیس د سیاسي کنټرول  په اړه د وفاقي قوانین سره مخالف اقدامات اجازه به ورنه كړې شي ۔ده ووئېل  خیبرپښتونخوا ته د ترهه كړۍ   خلاف جنګ لپاره  وفاق اربونه روپۍ وركړي٬  صوبائي حکومت  له به وئيل وي  چې دغه وسائل چرته مصرف شول ۔ ده ووئېل د وړاندې كړو حقائقو مقصد  چا ته د غدارۍ  تمغې وركول نه دي د اولس په وړاندې صورتحال اېښودل دي  دغسې چې په حقائق پرېكړه وكړي۔ اختیار ولي خان ووئيل صوبه كښې د ترهه ګرۍ زياتېدونكو  سیاسي هلو ځلو په ځائے بايد اولس ، پولیس، فوځ، ایف سي او د نورو سکیورټي ادارو تحفظ  ته پام وكړے شي   ۔ده ووئېل  د خیبرپښتونخوا  اولس به  د يوې ترهه ګرۍ  پیښې نه پس د بلې   انتظار کولو صورتحال  نه ويستل وي  او  صوبه كښې د   امن و امان  راوستو موثر اقدامات ضروري دي   ۔پریس کانفرنس ته د  قامي اسمبلۍ غړې  ثمر بلور ووئېل خیبر پښتونخوا كښې د ترهه كړۍ زياتېدونكو پیښو كښې  د پولیس اهلکارو شهادتونه، د نشه اي توكو زياتېدل او  د صوبائي حکومت مبینه غفلت صورتحال  ډېر اندیښمند كړے دے، د صوبې  اولس ، مېرمنې ، كوچنيان ، كونډې او  یتیمانان د حالات  په رحم و کرم پریښودلې شوي دي ۔دې ووئېل  د يو پختون  په حېث دا صورتحال زمونږ ټولو لپاره د شرم دے  ، مونږ دلته د يو سیاسي ګوند نمائندګي هم كوو  خو د خیبر پښتونخوا د اولس هم ترجماني كوو  د چا اولاد  چې يتيمانان او مېرمنې كونډې دي  ۔ دې ووئېل  خیبرپښتونخوا كښې د ترهه ګرۍ   پیښې روانې دي ، هره ورځ كومه چاودنه يا ناوړه پیښه رامخې ته كېږي ، نه ماشومان محفوظ دي ، مېرمنې او نه بزرګان٬ دغسې د  جمعې مونځ کوونكې هم  محفوظ نه دي ۔ دې ووئېل وزیراعلیٰ سهیل آفریدي ته د  چوكۍ سنبھالولو  په 112 ورځې پس د ایپکس کمیټۍ د وړومبۍ غونډې كولو  خیال ورغلو او  تر اوسه يې يوازې يوه غونډه رابللې ده ۔ ثمر بلور ووئېل  په 23 ستمبر د خیبر پښتونخوا پولیس ایکټ 2026 معارفي كړے شو د كوم د لارې چې د  پولیس انتظامي معاملات كښې  د سیاسي مداخلت لاره هواره كړې كېږي  ۔  دې ووئېل پولیس د وړاندې نه په محدود وسائل او  زړو وسلو د ترهه ګرو  مقابله كوي