په مقبوضه كشمير كښې د تېرو 15 كلونو په مهال 3 سوه 18 ماشومان وژل شوي۔ راپور

سرينګر 31 مارچ (اے پي پي) په مقبوضه كشمير كښې جمو وكشمير كوليشن اف سول سوسائټې په خپل يو راپور كښې وئيلي دي چې په مقبوضه كشمير كښې د تېرو 15 كلونو په مهال 3 سوه 18 ماشومان وژل شوي دي او د دوي قاتلان لا هم د قانون منګولو ته نه دي سپارل شوي۔ د كشمير مېډيا سروس له مخې د دې سول سوسائټې په راپور كښې وئيلي شوي دي چې كشميري ماشومان په سخت ژوند تېرولو مجور دي۔ په مقبوضه كشمير كښې 7 لكه هندي اهلكار موجود دي او كشمير ماشومان هر وخت خطر سره مخ وي۔