اسلام آباد 18 اکتوبر (اے پي پي) په تهرپاركر كښې د ډينګي وائرس د تصديق نه پس په سندھ كښې په يوه نيمه مياشت كښې د ډينګي له امله د ځپليو كسانو شمېره 48 ته رسېدلې۔ د شخصي ټي وي راپور له مخې د تهرپاركر ډسركټ هېلتھـ آفيسر ډاكټر مدن ګورماني وئيلي دي چې په چهاچهرو سيمه كښې پنځو كسانو كښې د ډينګي وائرس تصديق شوے كوم چې حېدر آبار روغتون ته رسول شوي دي۔ ده ووئيل چې د تېرې يوې نيمې مياشتې په مهال په سندھ كښې د ډينګي وائرس ځپليو شمېره 48 ته رسېدلې د كومو علاج چې روان دے۔ ده ووئيل چې په كليوالي سيمو كښې د سپرے كولو كار هم پېل كړے شوے۔
