ننكانه صاحب 02 اكتوبر (اے پی پی)د كشمير او ګلګت بلتستان چارو وفاقي وزير چوهدري محمد برجيس طاهر وئېلي دي چې د وزيراعظم محمد نواز شريف د وژن ترمخه ټول هېواد كښې د سړكونو جوړولو او انفراسټركچر عمل تندۍ سره روان دے۔ده دا خبره د اتوار په ورځ شېخوپوره ضلعې صفدر آباد تحصيل مومن كلي كښې د يو سړك پرانستې په موقع اولس ته په خپل خطاب كښې وكړه۔وفاقي وزير ووئيل د وزيراعظم د وژن ترمخه ښه سترې لارې او انفراسټركچر به د پاكستان د پرمختګ بنياد جوړ شي۔ده ووئيل د موټروے پھ صورت كښې نواز شريف په لويو پروژو كښې كاميابي ترلاسه كړې او د موټروے جال به په ټول هېواد كښې غزولې شي۔ده ووئيل د انفراسټركچر په لړ كښې تر ټولو زيات پام د پاكستان پسمانده سيمو ته كېږي۔بلوچستان كښې د پاك چين اقتصادي راهدارۍ ترمخه په لويو سترو لارو تندۍ سره كار روان دے۔د دې نه پس به د بلوچستان رابطه د چين او مينځني آسيا رياستونو نه ځانله د ټول هېواد سره ښه شي۔ده ووئيل د پاكستان معاشي پرمختګ په حقله راروان څو كلونه مهم دي۔وفاقي وزير ووئيل دا وخت د پاكستان معاشي اشاريې ښه دي او ټولې څانګې پرمختګ كوي۔ده ووئيل دې مثبت رجحان مستحكم ساتلو له ضروري ده چې هېواد د سياسي عدم استحكام څخ وساتلې شي۔ده ووئيل مارچ او احتجاج كول يو جمهوري حق دے خو د دې خبرې اجازه نه شي وركړې كېدے چې د هېواد پرمختګ او څوكالي عمل وځپلې شي۔ده ووئيل د پاكستان اولس د اسلام آباد بندولو سياست مسترد كړی
