اسلام آباد 29 ستمبر (اے پی پی) د جمعيت علماﺀ اسلام(ف)مشر مولانا فضل الرحمان وئېلي دي بايد په قبائېلي اولس پريكړې مسلط نه كړې شي٬خېبرپښتونخوا كښې ضم كېده ا٬ فاټا له د جلا صوبې درجه وركولو پشمول په درېو آپشنز دې پريكړه د ريفرنډم د لارې وكړې شي٬هند په اېل او سي ډزې كړي٬په مونږ جنګ مسلط كړې كېږي٬افغانستان او ايران سره زمونږ اړيكې ښه نه دي٬هند د دغې صورتحال څخه ګټھ پورته كوي٬مونږ له به اړيكو ښه والي ته پام لرنه كول وي۔د زيارت په ورځ د فاټا په اصلاحات روان بحث په مهال قامي اسمبلۍ كښې د خيالاتو څرګندونې سره ده ووئيل په يو وخت كښې د فاټا اېف سي آر كښې د اصلاحاتو خبرې كېدې ٬تېر حكومت كښې د دغې اصلاحاتو لپاره معقول تجاويز وړاندې كړی شوي وو بيا دا تجويز وركړې شول چې فاټا دې خېبرپښتونخوا كښې ضم كړی شي٬ ده ووئېل قبائلو د سنجيدګۍ څرګندونه كړې او وئېلې يې دي چې دا تجويزونه مهم او ښه دي خو هلته عمليات روان دي٬ ده ووئېل خلك په كډه كولو مجبور دي۔هغوي غوښتنه كړې وه چې اول دې فاټا كښې امن راوستلې شي بيا دې مونږ پھ كورونو كښې آباد كړی شوو او زمونږ د سباؤن پريكړه دې وكړې شي٬ مولانا ووئېل د جرګې په پیل 1200 نه زيات مشران ناست وو خو په آخر كښې 4 زره قبائېلي مشران په جرګه كښې شريك وو چې پكښې د ټولو طبقو نمائندګي وه۔ده ووئيل د قبائېلي اولس لپاره دا رويه او ټكي سم نه دي چې د فاټا په اړه په راپور كښې د قبائېلو لپاره باغي ټكې كارولې شوې وو٬ ده ووئېل په دغه ټكو مونږ احتجاج كوو۔ده ووئيل مونږ د قبائېلو د زمكيز حقيقت نه خبر يو٬مونږ د معروضي حالاتو ګټھ پورته كولو او د ترهه ګرۍ غږ باندې د نړۍ مرسته ترلاسه كوو٬ ده ووئېل پھ كنونشن سنټر كښې د قبائېلو د جرګې په قراردادونو د وزيراعظم محمد نواز شريف او راجه ظفرالحق پشمول د سياسي لارښودو لاس ليك وو په هغې به عملدرآمد كېږي۔ده ووئيل د قبائېلو د آزادۍ حق د پتولو حق څوك نه لري٬ ده ووئېل كه مونږ آئيني بدلون كوو نو د قبائېلو په صوبه كښې د ضم كولو بدلون دې راوړلې شي۔د فاټا اوسنې پوزيشن د 1892 نه دے۔ مولانا ووئئبل په دغه لوظ نامو كښې افغانستان هم يو فريق ؤ ۔ده ووئيل د قبائېلي سيمو په خېبرپښتونخوا كښې د ضم كولو د زيان راپور پټ ساتلې شوې۔كه فاټا په خېبرښتونخوا كښې ضم شي نو د هغوي د سېنېټ چوكۍ به ختمې شي او د هغوي كوټه سسټم به وځپلې شي٬ ده ووئېل كه قبائېلي سيمو له د جلا صوبې درجه وركړې شي نو د هغوي به جلا اسمبلي وي٬جلا سپيكر او دوهم سپيكر به يې هم وي۔ده ووئيل زما دا تجويز دے چې پريكړه دې د قبائېلي اولس د خوښې ترمخه وكړې شي۔ده ووئيل هند په اېل او سي ډزې پیل كړي٬په مونږ جنګ مسلط كېږي٬هغوي د پاكستان په حقله نوې ايجنډا جوړوي۔ده ووئيل مونږ د ايران او افغانستان سره اړيكې ښې نه لرو ٬هند د دغې صورتحال څخه ګټھ پورته كوي٬ مولانا فضل الرحمن ووئېل مونږ له به اړيكو ښه كولو ته پام لرنه كول وي
