د خېبرپښتونخوا اسمبلۍ غونډه تر 15 جون وځنډولې شوه

پېښور 08 جون (اے پی پی)د خېبرپښتونخوا اسمبلۍ غونډه يو ځل بيا وځنډولې شوه۔ د اسمبلۍ غونډه كومه چې د جون په 8مه نېټه ماسپخښين دوه بجې كېدونكې وه٬اوس د سپيكر په حكم تر جون 15مې نېټې ماسپخښين 2 بجو وځنډولې شوه۔ د خېبرپښتونخوا اسمبلۍ سپيكر آئيني او قواعدي اختيارات كارولو سره د غونډې ځنډولو حكم جاري كړو۔اسمبلۍ سېكرټرېټ په دې اړه باقاعده نوټيفكيشن هم جاري كړې دې چې له مخې به يې اوس غونډه د جون په 15مه نيټه كيږي۔اسمبلۍ سېكرټرېټ ټول غړي د غونډې نوې تاريخ څخه په باضابطه توګه خبر كړي دي۔