صدر مملكت آصف علي زرداري سره د ګوئټے مالا پخواني صدر او پارليمان سپيكر جمي مورالیز ملاقات

اسلام آباد 12 نومبر(اے پي پي) صدر مملكت آصف علي زرداري سره د ګوئټے مالا پخواني صدر او پارليمان سپيكر جمي مورالیز ملاقات وكړو او هغه سره يۍ په دوه اړخيزه اړيكو٬تجارت٬سرمايه كارۍ او بين الپارليماني مرستې ته په وده وركولو د خيالاتو څرګندونه وكړه۔د شورو په ورځ دايوان صدر پرېس ونګ لخوا جاري شوي بيان له مخې صدر مملكت آصف علي زرداري د پاكستان او ګوئټے مالا ترمينځه د تجارت٬سرمايه كارۍ او اولسي رابو په لا مستحكم كولو زور راوړو۔ده ووئيل چې پاكستان او ګوئټے مالا د پرمختګ٬ماحولياتي چېلنجونو او معيشي جديديت پشان شريكو مسئلو سره مخ دے د كوم مخ نيوي لپاره شريكه مرسته د وخت ضرورت دې۔ صدر مملكت په ملګرو ملتونو كښې د پاكستان په ملاتړ د ګوئټے مالا مننه كولو سره وئېلي دي چې دواړه هېوادونو له كثير الجهتي فورمز مرسته جاري ساتل پكار دي۔په دې موقع جمي موراليز د پاكستان كوربتوب او بين الپارليماني سپيكرز كنفرنس كښې د ګډون په بلنه د صدر مملكت آصف علي زرداري مننه وكړه۔ده ووئيل چې داسې ډول روابط به د دواړو هېوادونو ترمينځه مرستې او شراكتدارۍ نوې موقعې پېدا كړي۔په ملاقات كښې د سينيټ چيئرمېن سيد يوسف رضا ګېلاني٬سينيټر شيري رحمان او سينيټر سليم مانډوي والا هم موجود وو