صدر مملکت سره د انټرنيشنل ليبر آرګنائزيشن ډائريکټر جنرل ګلبرټ ايف هونګبو وليدل٬پاکستان آئي اېل او يو ستراتېژك شراكتدار ګڼي۔ آصف علي زرداري

اسلام آباد 06 اکتوبر (اے پي پي) صدر مملکت آصف علي زرداري د پاکستان او د محنت نړيوالې ادارې (آئي اېل او) ترمېنځه روزګار، هنرمندغ ، سماجي تحفظ او د محفوظ ليبر مائيګريشن په څانګو كښې عملي او د نتيجو وړ شراکت داري  په لا قوي كولو زور راوړولو سره ووئيل  پاکستان آئي اېل او يو ستراتېژك شراكتدار ګڼي۔ ده دا خبرې د انټرنيشنل ليبر آرګنائزېشن (آئي اېل او) ډائريکټر جنرل ګلبرټ ايف هونګبو سره كولې چا چې دوي سره په ايوان صدر كښې ملاقات كولو۔ د نهې په ورځ د جاري بيان له مخې په ملاقات كښې صدر مملکت ووئيل  پاکستان د آئي اېل او درې اړخيزه نظام او سماجي مکالمې ته خاص اهميت وركوي۔ ده د ډيسنټ ورک کنټري پروګرام 2023-27 په اهميت رڼا اچولو سره روزګار، سماجي تحفظ، د محنت معيارونو او د كار په ځائے د تحفظ پشمول د دې د موثره نفاذ په لا قوي كولو زور راوړو۔ صدر مملکت د بھرتۍ، د هنرمندۍ تصديق، ايمپلائر ميچنګ، مائيګريشن خرڅونو ، لوظنامې ، بهر هېوادونو كښې تحفظ او بيا په معاشره كښې د انضمام پشمول ټول اړخونه احاطه كولو له د جامع  “پاکستان فيئر اينډ سيف ليبر مائيګريشن فريم ورك” په جوړولو كښې د معاونت درخواست وكړو۔ ده د “فرام سکلز ټو ګلوبل جابز” په سرخط سره د آئي ايل او-پاکستان شراکت دارۍ تجويز هم وړاندې كړو دغسې چې تکنيکي و وظيفائي تربيه د دغه هېوادونو افرادي قوت ضرورتونو سره همكاره كړې شي چرته چې پاکستاني کارکنان خدمات ترسره كوي او هغوي ته د عزت د روزګار موقعې وركړې۔ صدر آصف  علي زرداري خليجي هېوادونو ، يورپ، ختيزې اسيا او نورو رامخې ته كېدونكو ماركيټونو سره د ليبر مائيګريشن لارو پرانستلو او دوي په مضبوطولو كښې د آئي ايل او  په معاونت زور راړو۔ ده د لېبر سټېټسټكس لپاره د آئي ايل او کنونشن نمبر 160 د پاکستان د توثيق په رڼا كښې د هېواد ليبر مارکيټ انفارميشن سسټم قوي كولو لپاره هم د آئي ايل او څخه مرسته وغوښتله