د 27 م آئيني بدلون مسوده به د ټولو ګوندونو مشاورت سره ايوان ته وړاندې كوؤ: نائب وزيراعظم اسحاق ډار

اسلام آباد۔9نومبر(اے پی پی) نائب وزيراعظم او خارجه وزير سېنېټر اسحاق ډار وئيلي دي چې د 27 م آئيني بدلون مسوده به د ټولو اتحادي ګوندونو مشاورت سره ايوان ته وړاندې كوو په دې اړه په كمېټۍ كښې بحث روان دے۔ د اتوار په ورځ د سېنېټ په غونډه كښې په 27م آئینی بدلون د بحث په مهال په خپلو څرګندونو كښې ده ووئيل په 18م بدلون كښې د خېبر پښتونخوا نامه كېښودلې شوه۔ په بدلون كښې يوازې په صحت او تعليم اختلافي نوټ رامخے ته شو۔ د خېبر پښتونخوا صوبې نامه د رايو اتفاق سره اېښودلې شوې ده۔ ده ووئيل د آئینی عدالت په معامله د باني پي ټي آئي په شمول د ټولو سياسي لارښودو لاس ليك دے۔