د آذربائیجان د آئین 30 مه سالګره ، په باکو كښې نړيوال پارليماني كانفرنس روان دے ٬ سيد يوسف رضا ګيلاني د پاكستان نمائندګي كوي

اسلام آباد۔29اکتوبر(اے پی پی) د آذربائیجان د آئین 30 مې سالګرې په لړ كښې په پلازمينه باكو كښې نړيوال پارليماني كنفرنس روان دے٬ په پارليماني كنفرنس كښې د سېنېټ چيئرمېن سيد يوسف رضا ګيلاني د پاكستان نمائندګي كوي۔ د شورو په ورځ د سېنېټ سېكرټرېټ لخوا د جاري شوي بيان له مخې د سېنېټ چیئرمېن سید یوسف رضا ګیلانی به نن په آذربائیجان كښې مصروفه ورځ تېروي۔ د سېنېټ چيئرمېن به د آذربائیجان د قامي لارښود حېدر علییوف مزار ته حاضريږي او د شهيدانو په يادګار به د ګلونو څادر خپروي۔ د سېنېټ چيئرمېن به د آذربائيجان د آئين 30 مې سالګرې په لړ كښې په كېدونكي نړيوال كنفرنس كښې ګډون هم كوي