د نيوزي لينډ په ضد ټي ټونټي سيريز لپاره 17 كسيزه قامي سكواډ اعلان كړے شو

لاهور۔9اپرېل(اے پی پی) د پاكستان كركټ قامی سلېکشن کمېټۍ د نیوزی لېنډ په ضد د 5 ټي ټونټي نړيوالو مېچونو سيريز لپاره د 17 كسيزه قامي سكواډ اعلان كړے ٬ فاسټ باؤلر محمد عامر او آل راؤنډر عماد وسيم يو وارې بيا نړيوال كركټ ته بېرته راغلي ۔ دوه نوي لوبغاړي عثمان خان او عرفان خان هم په پاكستانۍ لوبډله كښې شامل كړے شوي ۔ قومي سلېكشن كمېټۍ د نهې په ورځ په قذافي سټېډيم لاهور كښې د بابر اعظم په مشرۍ كښې د 17 كسيزه لوبډلې نه ځانله د 5 ريزرو لوبغاړو نامې هم اعلان كړې۔ د پاكستان او نيوزي لېنډ ترمينځه د 5 ټي ټونټي مېچونو سريز به 18 څخه تر 27 اپرېل په پېنډۍ او لاهور كښې كولې شي۔