د سوريې په حمص ښار كښې د 100 كسانو مړي موندل شوي

دمشق 23 اکتوبر (اے پي پي) په سوريه كښې د بشري حقونو ډلو وئيلي دي چې د حمص ولايت د داعش لخوا په نيول شوي يو كلي كښې د 100 داسې كسانو مړي موندل شوي دي د كومو سرونه چې قلم كړې شوي دي۔ د العربيه ټي وي له مخې ځائي ذريعو وئيلي دي چې د القريتېن سيمې څخه د داعش جنګيالي په خپله خوښه وتلي دي او د دې سيمې كنټرول د سوريې ځواكونو ته سپارل شوے۔ د دې كسانو مړي په دې سيمه كښې د لټون عملياتو په مهال موندل شوي دي۔ ځائي خلقو وئيلي دي چې د دې سيمې 65 وګړي بې دركه شوي وو۔