عبدالله شفيق په ابتدائي 6 ټېسټ ميچونو كښې په زيات رنز جوړولو د جاوېد ميانداد رېكارډ مات كړو

ګال 19 جولائي (اے پي پي)د قامي ډلې ټېسټ اوپنر عبدالله شفيق په ابتدائي 6 ټېسټ ميچونو كښې په زياتو رنز جوړولو د جاوېد ميانداد رېكارډ مات كړے۔د نهې په ورځ د سري لنكا په ضد ګال ټيسټ دوهم اننګز كښې عبدالله شفيق ناقابل شكست سنچرۍ كولو سره د رېكارډ په كتاب كښې خپله نامه درج كړی۔د دې څخه وړاندې پخواني پاكستاني كپتان جاوید میانداد په خپلو ابتدائي 6 ټېسټ ميچونو كښې 652 رنز جوړ كړي وو٬عبدالله شفيق په خپلو شپږ ټېسټ ميچونو كښې 672 رنز جوړ كړي او اوس هم د هغه اننګز روان دے۔هغه په ټېسټ كركټ كښې تراوسه دوه سېنچرۍ او 4 نيمې سنچرۍ سكور كړے دے