بلوچستان عوامي پارټۍ د اولس غږ جوړېدې سره د هغوي مسئلې حل كړې دي٬ مير ضياﺀ الله لانګو

کوئټه۔14اپرېل(اے پی پی) د داخله او قبائلي چارو صوبائي صلاحكار مير ضياﺀ الله لانګو په صوبه كښې د راروانو ټول ټاكنو په اړه خپل يو بيان كښې وئيلي دي بلوچستان عوامی پارټی به په بلدياتي ټاكنو كښې په بشپړه ډول برخه اخلي او كه لويې څښتن ته منظور وي كلين سويپ به هم كوي۔ ده ووئيل اولس مفاد پرسته كسان ښه پېژني او په تېر وخت كښې ئې هم دغه خلك په بشپړه ډول مسترد كړې دي۔ ده ووئيل بلوچستان عوامي پارټۍ تل د اولس غږ جوړېدې سره د هغوي مسئلې حل كړې دي۔ ده ووئيل بلوچستان عوامي پارټي اوس هم د صوبې او اولس مسئلو حل كولو له چمتو ده۔ ده اولس ته خواست وكړو چې په بلدياتي ټاكنو كښې حقيقي نمائندګان خوښي كړي دغسې چې ستاسو مسئلې ستاسو په درشل حل كړې شي۔