په برازيل كښې د كورونا په وبا كښې د مړو كسانو شمېره د 3 لكه 10 زرو نه اوړېدلې

ريوډي جنېرو 28 مارچ (اے پي پي) په برازيل كښې د كورونا په وبا كښې د مړو كسانو شمېره د 3 لكه 10 زرو نه اوړېدلې او د ځپليو ټوله شمېره يو كروړ 24 لكه 90 زرو ته رسېدلې. د امريكائي مېډيا له مخې د برازيل د روغتيا محكمې چارواكو وئيلي دي چې په هېواد كښې تر اوسه يو كروړ 70 لكه كسانو ته د كورونا څخه د بچ كېدو واكسين لګول شوي دي. د چارواكو له مخې په هېواد كښې د كېسونو شمېره پرله پسې مخ په زياتېدو ده، په هېواد كښې د كورونا ځپليو شمېره 12490362 ده او 310694 كسان په دې وبا كښې مړه شوي دي.