په هند كښې د كورونا وائرس نور 53 زره كېسونه رپورټ شوي دي، په وبا كښې نور 251 كسان مړه شوي

نوے ډيلے 25 مارچ (اے پي پي) په هند كښې د تېرو 24 ساعتونو په مهال د كورونا وائرس نور 53 زره كېسونه رپورټ شوي دي او دې سره په هېواد كښې د كورونا وائرس ځپليو ټوله شمېره يو كروړ 17 لكه 87 زرو ته رسېدلې. د خبر له مخې د هند د روغتيا محكمې چارواكو وئيلي دي چې په هېواد كښې د كورونا وائرس كېسونه مخ په زياتېدو دي. په هېواد كښې د تېرو 24 ساعتونو په مهال نور 53 زره كېسونه رپورټ شوي دي. د چارواكو له مخې په هند كښې د كورونا په وبا كښې تر اوسه يو لك 60 زره 7 سوه كسان مړه شوي دي.