امريكا كښې د كورونا وائرس ځپليو شميره 3 كروړه دوه لكهه 94 زره څخه زياته شوه ، 5 لكهه 50 زره 6 سوه مرګونه وشول

واشنګټن 18 مارچ (اے پي پي)امريكا كښې د كورونا وائرس وبا له امله د ځپلے شوو كسانو شميره 3 كروړه دوه لكهه 94 زره څخه زياته شوې دغسي هېواد كښې 11 كروړه 7 لكهه كسانو ته د كورونا مخنيوي ويكسين لګولې شوي ۔ د زيارت په ورځ د امريكي ميډيا له مخي هېواد كښې د وائرس له امله د مړو شميره 5 لكهه 50 زره 6 سوه څخه زياته شوې ۔ امريكا كښې د كورونا وائرس رنځورانو مجموعي شميره 30294798 ده ٬ دغسي د فعاله ځپليو شميره 7296874 ده۔ د چارواكو له مخي هېواد كښې د وائرس له امله د مړو شميره زياتيږي ، امريكا د كورونا وائرس وبا له امله زيات ځپلے شوے هېواد دے چرته چې د مجموعي مړو شميره نړۍ كښې د كوم هم هېواد څخه زياته ده ۔امريكا كښې د كورونا وائرس وبا له امله تر اوسه 550649 كسان مړه شوي۔ڼړۍ كښې د كورونا وائرس دويمي چپي په مهال امريكا تر ټول زيات ځپلے هېواد دے ۔ دغسې د كورونا وائرس ځپلے شوي 22447275 څخه زيات كسان ښه شوي هم دي