يمن٬د كډوالو په حراستي مركزونو كښې د اور لګېدو له امله 8 كسه مړه٬ ګڼ شمېر ژوبل

دبئي 08مارچ (اے پی پی)د يمن په پايه تخت صنعا كښې د كډوالو په حراستي مركز كښې د اور لګېدو له امله 8 ساتندويه او كډوال مړه او ګڼ شمېر ژوبل شوي۔مينځني ختيز او شمالي افريقې لپاره د كډوالو نړيوال تنظيم(آئي او اېم)ريجنل ډائرېكټر كار ميلا ګوډيا په خپل ټوېټ كښې وئېلي دي په حراستي مركز كښې د اور لګېدو له امله 8 كسه مړه شوي خو په مړو كښې د زياتوالي اندېښنه ده او د اور لګېدو په پېښه كښې 170 څخه زيات كسان ژوبل شوي چې پكښې د 90 څخه زياتو كسانو حالت اندېښمن دے۔ده ووئيل د اور لګېدو وجوهات تراوسه نه دې معلوم شوي