په مقبوضه كشمير كښې هندي ځواكونو د برهان واني د شهادت نه پس تر اوسه د يو زر نه زيات كشميريان شهيدان كړي

سرينګر 08 جولائي (اے پي پي﴾ په مقبوضه كشمير كښې هندي ځواكونو د رياستي ترهګرې په تازه كارروائيو كښې په 8م جولائي كال 2016م كښې د نامتو كشميري لارښود برهان مظفر واني د شهادت نه پس تر اوسه يو زر 20 كشميريان شهيدان كړي چې پكښې 70 كشميريان په جعلي مقابلو كښې شهيدان كړې شوي ۔ د كشمير مېډيا سروس ريسرچ څانګې لخوا د مظفر واني د شهادت په دريم تلين جاري شوو شمېرو له مخې د دې شهادتونو په نتيجه كښې 91 مېرمنې كونډې شوې او 205 ماشومان يتيمان شوي ۔ د هندي ځواكونو په تشدد كښې 27 زره 659 كسان ژوبل شوي ۔ په دې موده كښې 11 زره 812 وګړي نيولې شوي ۔ هندي ځواكونو 3 زره 304 كورونه هم تباه كړي او د 9 سوه 33 كشميريانو ئې بې حرمتي كړې ده۔