اسلام آباد 21 ستمبر (اے پي پي)د سېفران وفاقي وزير لېفټيننټ(ر)عبدالقادر بلوچ وئېلي دي د رجسټرډ افغان كډوالو په زور د هېواد څخه د ويستلو او د زؤرولو تاثر سم نه دے٬د كډوالو پاتې كېدو موده تر 31 مارچ 2017 وزيراعظم پراخه كړې ده ٬د غېر رجسټرډ افغان كډوالو رجسټرېشن لپاره مېكنزم جوړ كړې شوې وو خو د ځينې وجوهاتو په سوب په هغې عملدرآمد ونه كړې شو٬په هېواد كښې كاروباري افغان كډوالو په حقله قانون تر مخه به پريكړه كولې شي٬د افغان كډوالو مرستې لپاره د افغانستان حكومت سره په بېلو چارو خبرې روانې دي۔ده دا خبرې د سېفران وزارت كښې د پارلماني ګوندونو مشرانو ته د افغان كډوالو پھ معامله رامخې ته شوي وضعې بريفنګ كښې وكړه۔وفاقي وزير ووئيل هيله ده سږ كال به 4 لكه افغان كډوال هېواد ته ستانه شي۔تراوسه 1 لك 86 زره رجسترډ افغان كډوالو هېواد ته ستانه شوي دغسې دوه لكه غېر رجسټرډ افغان كډوال هم خپل هېواد ته ستانه شوي۔د جمعيت علماﺀ اسلام(ف)مشر مولانا فضل الرحمان ووئيل افغان كډوال 1980 راهسې پاكستان كښې آباد دي٬مونږ د تېرو 40 كلونو راهسې د افغان كډوالو كوربتوب كوو خو هغوي په زوره د هېواد څخه د ويستلو سره به مثبت ردعمل رامخې ته نه شي۔ده ووئيل ماله د افغانانو يو پلاوې راغلې وو او په دغې حقله هم ما د وزيراعظم سره ملاقات كړې٬يو اړخ ته مونږ په هېواد كښې د خپلو كډوالو بحالۍ په حقله مسئلې سره مخ يو٬بل خوا د افغان كډوالو مسئله رامخې ته شوې۔ده ووئيل د افغان كډوالو ستنولو په حقله دې د سوچ څخه كار واخستلې شي۔د جماعت اسلامي امير سناتور سراج الحق ووئيل د افغان كډوالو هېواد ته ستنېدو په حقله زمونږ دفترې د كډوالو څخه ډكې شوي كوم چې دا فرياد كوي چې مونږ د لويې مودې راهسې دلته مېشته يو او مونږ دې په زوره د هېواد څخه اونه ويستلې شوو۔ده ووئيل د افغان كډوالو ستنېدو په سوب پېښور كښې هم كاروبار ته زيان رسېدلې او زيات كورونه خالي شوي دغسې د صوبې معاشي صورتحال خرابېږي۔ده ووئيل په دوه مياشتو كښې د بانكونو څخه افغان كډوالو په اربونو روپۍ ويستلې او پاكستان څخه بهر لېږلي شوي ۔ده ووئيل د كډوالو په زوره د هېواد څخه ويستلو سره به د دواړو هېوادونو اړيكې خرابې شي۔د عوامي نېشنل ګوند لارښود غلام احمد بلور وئيل د افغان كډوالو د پاتې كېدو موده كښې دې پراختيا وكړې شي دغسې كاروباري كسان دې د دې څخه جلا وساتلې شي ځكه چې د هغوي په سوب سرمايه كاري بهر تللې شي۔د قامي وطن ګوند آفتاب احمد خان شېرپاؤ ووئيل د افغان كډوالو په حقله د سېفران وزارت كردار د ستائنې وړ دے۔د دې وزارت قلمدان ما سره هم پاتې وو٬د افغان كډوالو په حقله په برسلز لوظ نامه ما پخپله لاس ليك كړې۔ده ووئيل د هېواد څخه د كډوالو د طاقت د لارې بېرته لېږل سم نه دي٬هغوي دې د يو مېكنزم ترمخه بېرته ولېږلې شي او د هغوي د پاتې كېدو موده دې تر دسمبر 2018 پراخه كړې شي۔د افغان كډوالو چيف كمشنر ډاكټر عمران زېب بريفنګ كښې ووئيل په هېواد كښې د رجسټرډ افغان كډوالو شمېره 14 لكه 60 زره او غېر رجسټرډ افغان كډوالو شمېره 9 لكه ده۔په دې موقع د سېفران سېكتر ارباب شهزاد٬جوائنټ سېكتر طارق حيات او د وزارت نور چارواكي هم موجود وو
