نائب وزيراعظم سينيټر اسحاق ډار ماسکو كښې د اېس سي او حكومتي مشرانو كونسل 24مې غونډه كښې د ګډون نه وروستو د روسيه نه روان شو

ماسکو 19 نومبر (اے پي پي) نائب وزيراعظم او خارجه وزير سينيټر اسحاق ډار په ماسکو كښې د شنګھائي مرستې تنظيم (اېس سي او) حكومتي مشرانو كونسل 24مې غونډه كښې د ګډون نه وروستو د روسيه نه روان شوے دے ۔ د شورو په ورځ د خارجه دفتر وياند لخوا د جاري بيان له مخې نائب وزيراعظم د 17 نه تر 18 نومبر د اېس سي او كونسل آف هيډز آف ګورنمنټ په غونډه كښې د پاكستاني پلاوي مشري كوله۔ نائب وزيراعظم په ښه مېلمستيا او د غونډې په كاميابۍ د كوربه حكومت مننه وكړه۔ ده په ماسكو كښې د پاکستان سفارت او د خارجه دفتر ډلو لخوا د خپلې دورې په مهال په سهولت او د مرستې هم ستائنه وكړه