د امنيتي ځواكونو په خېبر پښتونخوا كښې كاروائۍ٬ درې خوارجي ترهګر ووژل شول

پېنډۍ 03 نومبر (اے پي پي) امنيتي ځواكونو په خېبر پښتونخوا كښې په دوو بېلو كاروائيو كښې د هند پراکسي “فتنه الخوارج” سره تعلق لرونكي درې خوارج وژلي دي ۔ د ګل په ورځ د آئي اېس پي آر له مخې سکيورټي فورسز د شمالي وزيرستان په ايشام سيمه كښې پاکستان-افغان پوله ايزې لارې څخه د دراندازي هڅه كوٶنكو خوارجو د يوې ډلې د نقل و حركت په وخت درك ولګولو او په موثره توګه يې ډله په نښه كړه ٬ د كاروائۍ په نتيجه كښې د هند پراکسي “فتنه الخوارج” سره تعلق لرونكي دوه خوارج ووژل شول۔ دا خبره د ذكر وړ ده چې وژلې شوي خوراج كښئ د يو شناخت د افغان “خارجي قاسم” په نامه شوے كوم چې په افغان بارډر پوليس كښې وظيفه ترسره كوله۔ بله كاروائي ټانك ضلع كښې شوې چرته چې په اسختباراتي د كاروائۍ په مهال امنيتي ځواكونو د هند پراکسي “فتنه الخوارج” سره تعلق لرونكے يو بل خارجي وژلے چې شناخت ئې د “خارجي اکرام الدين عرف ابو دجانه” په توګه شوے كوم چې يو افغان وګړے ٶ۔ د آئي اېس پي آر وېنا ده دا پېښې دا خبره په ګوته كوي چې افغان وګړي پاكستان كښې د بې ګناه وګړو او امنيتي ځواكونو په ضد د ترهګرۍ په يو شمېر هلو ځلو كښې ملوث دي٬ پاکستان څو ځله د افعانستان عبوري حكومت څخه مطالبه كړې ده چې ھغوي د خپل اړخ څخه د پولې موثره نګراني باوري كړې٬ خپلې ذمه وارۍ ترسره كړي او افغان خاوره د خوارجو استعمال او خپل وګړي په پاكستان كښې په ترهه ګرۍ كښې د شموليت نه لرې اوساتي۔ د پاکستان امنيتي ځواكونه د هېواد د پولو د دفاع عزم لري او ثابت قدم دي٬ په سيمه كښې د هند پراکسي “فتنه الخوارج” خاتمې لپاره سينيټائزيشن كاروائۍ روانې دي او امنيتي ځواكونه او قانون نافذ كوٶنكې ادارې به د وفاقي ايپکس کميټۍ لخوا د منظور كړي قامي اېكشن پلان له مخې د جاري وژن “عزمِ استحکام” له مخې د ترهګرۍ مخنيوي خپل كمپائن په قوت سره روان ساتي دغسې چې د غېر ملكي ملاتړ لرونكو ترهګرو فتنې هېواد څخه خاتمه وكړې شي