نېشنل انډر 19 ون ډے كپ به د ستمبر 21مې نيټې څخه پيل كيږي٬ 18 ډلې به ګډون كوي۔پي سي بي

اسلام آباد 19 ستمبر(اے پی پی)د پاكستان كركټ بورډ(پي سي بي) تر سيوري لاندې نېشنل انډر 19 ون ډے كركټ كپ به د ستمبر 21مې نيټې څخه پیل كېږي چې پكښې به د 16 رينجز 18 ډلې برخه اخلي۔پي سي بي وياند له مخې ټورنامنټ به چارسده٬مريد كے٬پېښور او د شيخوپوره په بېلو مېدانونو كښې كيږي او دا ايونټ به تر 14 اكتوبر روان وي۔چيمپئن ډلې ته به 20 لكه روپۍ انعام وركولې شي۔ټورنامنټ د زلمو لوبغاړو صلاحيتونه ښه كولو لپاره غوره موقع ګرځولې كيږي او دا به آئي سي سي انډر 19 ورلډ كپ 2026 چمتوالي نيولو كښې هم مرستيال ثابت شي