په افغانستان كښې ترافيكي پيښه – 3 مړه – 10 ژوبل

کابل۔10جون (اے پی پی) د افغانستان په سرپل ولايت كښې په رامخې ته شوې يوه ترافيكي پېښه كښې 3 كسان مړه او 10 نور ژوبل شوي دي۔ د شنهوا له مخې صوبائي پوليس وئيلي دي چې دا پېښه د تند رفتارۍ له امله تېره ورځ هغه مهال رامخې ته شوه كله چې دوه موټر سائيكلې په يو وخت 2 ګاډو سره ټكر شوې۔ د پېښې په نتيجه كښې 3 كسان مړه او 10 نور ژوبل شول كوم چې روغتون ته منتقل كړې شوي دي۔ په ژوبل شوو كښې د ځينو كسانو حالت اندېښمن ښودلے شوے دے۔