په اېران كښې د سختو بارانونو او سېلاب په نتيجه كښې 6 كسان مړه او ګڼ شمېر بې دركه شوي

تهران 23 جولائي (اے پي پي) د اېران په سوئيلي فارس ولايت كښې د سختو بارانونو او سېلاب په نتيجه كښې 6 كسان مړه او ګڼ شمېر كسان بې دركه شوي دي. د چينائي مېډيا له مخې د اېران د فارس رېډكرېسنټ سوسائټۍ لخوا په جاري شوي بيان كښې وئيلي شوي دي چې د هېواد په سوئيلي سيمو كښې د سختو بارانونو او سېلاب په نتيجه كښې ګڼ شمېر كسان بې دركه شوي دي او د لټون عمليات ئې روان دي. چارواكو وئيلي دي چې د بارانونو او سېلاب په پېښو كښې 12 كسان ژوبل شوي هم دي.