په امريكا كښې د الهان عمر پشمول د ګانګرېس 17 غړي نيول شوي

واشنګټن 20 جولائي (اے پي پي﴾ په امريكا كښې د اسقاط حمل د عدالتي پرېكړې په ضد په احتجاج كولو د الهان عمر پشمول د كانګرېس 17 غړي نيول شوي دي. د امريكائي مېډيا له مخې د سپريم په خوا كښې د احتجاج په مهال نيول شوې د كانګرېس غړې الهان عمر په خپل يو ټويټ كښې وئيلي دي چې نن زه هغه وخت ونيول شوم كله چې زه د كانګرېس نورو خپلو ملګرو غړو سره د سپريم كورټ په خوا كښې د سول نافرمانې په يوه مظاهره كښې شريكه وم. هغې ووئيل چې د مېرمنو د روغتيا په حقونو د بريدونو او د دې په ضد غږ پورته كولو لپاره چې څه هم زما په اختيار كښې وي هغه به كوم.