د خېبر پختونخوا حكومت د جوماتونو امامانو او اقليتي لارښودو لپاره د مياشتې 10 زره روپۍ اعزازيه باوري كوي٬ ډاكټر امجد علي

پېښور ۔16اپرېل(اے پی پی) د خېبرپختونخوا د هاؤسنګ وزير ډاكټر امجد علي وئيلي دي د خېبر پختونخوا حكومت د جوماتونو امامانو او اقليتي لارښودو لپاره د مياشتې 10 زره روپۍ اعزازيه باوري كوي ٬ د امامانو ٬ خطيبانو او اقليتي لارښودو خېر ښېګړې له فعاله ګامونه پورته كولو او جوماتونو ته د سولر سسټم آساني وركول د صوبائي حكومت په ترجيحاتو كښې شامل دي۔ د دې خيالاتو څرګندونه ده د جمعې په ورځ په تحصيل بريكوټ سوات كښې آئمه كرامو ته د اعزازيه چېك وركولو دستورې ته خطاب كښې وكړه۔ په دې موقعه اسسټنټ کمشنر تحصیل بریکوټ او د ګوند كارمندان هم موجود وو۔ صوبائي وزير د بېلو جوماتونو ائمه كرامو او خطيبانو ته د 10 زره روپۍ مياشت اعزازيې حساب سره د درې مياشتو د يكمشت 30 زره روپو چېكونه وركړل۔