سعودی عربستان، د الاحسا 300 كاله پخوانے جومات د رنګ روغن او پراختيا نه وروسته لمونځګزارو له پرانستلے شو

جدہ۔16اپرېل(اے پی پی) د سعودی عربستان په الاحسا ښار كښې 300 كاله پخوانے جومات د رنګ روغن او پراختيا نه وروسته لمونځګزارو له پرانستلے شوے دے۔ د عرب ميډيا له مخې الاحسا كښې 300 كاله پخوانے جومات ځانګړے تعمير لري كوم چې د خټو ٬ كنكر او د كھجورو پاڼو نه جوړ كړے شوے وو۔ د دې رقبه 565 مربع ميټره وه۔ په دې جومات كښې د 125 كسانو ګنجائش وو۔ د تجديد او بيا رغونې نه وروسته اوس دې كښې د 166 لمونځګزارو ګنجائش پېدا شوے دے۔ په دې كښې باورچي خانه ٬ د سړو او مېرمنو لپاره بېلې بېلې طهارت خانې ٬ مېرمنو لپاره د لمونځ ځائې٬ يو كوهې او سبيل هم جوړ كړے شوے دے