
پېښور07 ستمبر (اے پي پي) وزیراعظم محمد نواز شریف د شورو په ورځ د چترال لواري ټنل دوره وكړه او د سمندر كچې نه 7200 فټه اوچت د ټنل د جوړېدو معائنه ئې وكړه ۔ وزیراعظم ټنل ته دننه لاړو او د تعمير جاج ئې واخست۔د نېشنل هائي وے اتهارټي (اېن اېچ اے) چيئرمېن نیشنل شاهد اشرف تارړ وزیراعظم محمد نواز شریف ته په لواري ټنل منصوبه بريفنګ وركولو سره ووئيل چې د 8 نيم كلوميټره او د 1.9 كلوميټره اوږدو دواړو ټنلو د جوړېدو كار بشپړ شوې او ټرافېك رواني په ځائ ساتلو له د ټنل په دواړو اړكلو 40 كلوميټره سړكونو جوړوېدو كار روان دې ۔ ده ووئيل دا پروژه په ستمبر 2005 كښې پېل شوې وه خو په كال 2010 كښې د فنډ نشتوالي له امله بند كړې شوه په پروژه په اكتوبر كال 2012 كښې بيا كار پېل شو او ترسره كولو لپاره ئې د اكتوبر كال 2017 هدف ټاكلې شوې ۔ د وزیراعظم د هداياتو له مخې په ټاكلې مودې كښې د پروژې ترسره كولو له په تندۍ سره كار روان دے وفاقي حكومت د 16-2015 په بجټ كښې دې پروژې لپاره 4 نيم اربه روپۍ جاري كړې وې دغسې په كال 17-2016 كښې پروژې لپاره يو ځل بيا 4 نيم اربه روپۍ جارې كړې شوې دي چې پكښې تر اوسه يو ارب لس كروړه روپۍ خرڅ كړې شوې دي۔ده ووئيل چې 26 اربه روپو په لښګت به دا پروژه په جون كال 2017 كښې ترسره شي او ورسره به د درې نيم ساعت سفر كم شي ۔ او د چترال 5 لكه آبادي به دې څخه استفاده وكړي۔