پاکستان كښې په ترهه ګرۍ  كښې د افغان وګړو د ككړتيا شواهد رامخې ته شول، مستونګ بريد كښې د وژلے شوو  ترهه ګرو څخه افغان دستاویزات ترلاسه شول

پنډۍ /کوئټه ۔24ستمبر  (اے پي پي) پاکستان كښې د ترهه ګرۍ  په کارروائیو كښې د ككړو افغان عناصر كوټلي شواهد  يو وارې بيا رامخې ته شوي دي ۔ د سکیورټي  ذرائعو تر مخه د بلوچستان په  مستونګ سيمه كښې په شوي بريد كښې وژلے شوو د فتنہ الهندوستان ترهه ګرو كښې افغان وګړي  موندلے شوي دي۔ د کارروائۍ په مهال وژلے شوے ترهه ګر ذوالفقار عرف ابو عمر د قبضې نه  د افغان جنرل ډائریکټوریٹ آف انټیلې جنس (جي ډي آئي) رسمي کارډ تر لاسه شوے دے  ، دغسې د يو بل وژلي شوي ترهه ګر خلیل احمد نه افغان قامي تذکرہ  تر لاسه شوې  ده ۔ د امنيتي ذرائعو وېنا ده پاکستان كښې د ورانكارۍ  لپاره د هند  استخباراتي ایجنسي “را” او د طالبانو رجیم  جوړه جاړه  وړاندې هم په  انټیلې جنس رپورټس كښې بے نقابه شوې ده۔ د رپورټ تر مخه 2025  كښې  “را” او د  افغان طالبان استخبارات تر مينځه   د شريك نیټ ورک  انکشاف شوے ؤ د كوم تر مخه چې د هند ایجنسۍ بلوچستان كښې  د  ناامنۍ خپرولو لپاره  78 لاکھ ډالر وركړي وو ۔رپورټ كښې  وئېلي شوي دي  د طالبانو مشر ملا هیبت اللہ  په امر د فتنہ الهندوستان ترهه ګرو ته جدید وسله او  لاجسټک سپورټ  وركړے شوے ٬ دغسې د   طالبان رجیم د اړخه د وسلې وركولو لپاره ليكلې شوې رسمي  چيټۍ هم د دغه جوړې جاړې واضحه ثبوت دے ۔ د ذرائعو تر مخه   د هند  “را” د افغان طالبان رجیم  په مرسته د پاکستان خلاف افغان خاوره د ترهه ګرو تربیې، مالي معاونت او  د خوندي پتن ځايونو په توګه پرله پسې كاروي ۔