كوئټه۔ 13 جولائي (اے پي پي) د بلوچستان وزيراعلې مير سرفراز بګتي وئېلي دي د دښمن منظم سازش دے چې د ترهه ګړۍ د لارې بې ګناه وګري په نخښه كړي او بيا د دې تور په رياست لګولو سره بد اعتمادۍ او اړي ګړي له وده وركړې شي٬ خو د حكومت او اولس شريك قوت به داسې ټول سازشونه ناكامه كړي۔ ده ووئېل د پاكستان او بلوچستان لاره …
د ترهه ګرۍ او تشدد د لارې بلوجستان د پاكستان څخه د جلا كولو خوب كله تعبير نشي موندلے ٬ د بلوچستان وزيراعلې سرفراز بګتي وېنا
كوئټه۔ 13 جولائي (اے پي پي) د بلوچستان وزيراعلې مير سرفراز بګتي وئېلي دي د دښمن منظم سازش دے چې د ترهه ګړۍ د لارې بې ګناه وګري په نخښه كړي او بيا د دې تور په رياست لګولو سره بد اعتمادۍ او اړي ګړي له وده وركړې شي٬ خو د حكومت او اولس شريك قوت به داسې ټول سازشونه ناكامه كړي۔ ده ووئېل د پاكستان او بلوچستان لاره د امن ٬ استحكام او ترقۍ لاره ده او مونږ د كوم هم فشار يا ترهه ګرۍ د لارې د دې لارې نه په شا به نه شو۔ دا خبره ده د ګل په ورځ د بلوجستان عظيم سياسي لارښود او د قامي اسمبلۍ غړي نوابزاده جمال خان رئيساني د پلار شهيد مير سراج رئيساني د اتمې كلېزې په مهال تايبا شوي تعزيتي رېفنس ته خطاب كښې وكړه۔ تعزيتي ريفرنس كښې د بلوجستان وزيراعلې مير سرفراز بګتي٬ د قامي اسمبلۍ غړي نوابزاده جمال رئيساني ٬ صوبائي وزير بخت محمد كاكړ ٬ مير ضياﺀ لانګو ٬ عاصم كرډ ګيلو ٬ مير سليم خان كهوسه د پاكستان پيپلز پارټي لارښودو ٬ قبائلې مشرانو ٬ سياسي ٬ سماجي و سياسي شخصيات او اولس په ګن شمېر ګدون كولو۔د بلوچستان وزيراعلې ووئېل كه زما په سر د بلوچستان مسئله حل كېږي نو زه خپل ځان قربانولو ته چمتو يم ٬ ځكه چې زما لپاره عهده نه د بلوچستان اولس خدمت تر هر څه زيات مهم دے ۔ ده ووئېل كرسۍ تلونكر راتلونكې څيز دے ٬ اصل مقصد د اولس خدمت او صوبه كښې امن او ترقي راوستل دي۔ ده ووئېل بلوچستان كښې د امن راوستو لپاره حكومت هر ممكن ګامونه اخلي او رياست د اولس د ځان او مال تحفظ خپله وړومبۍ ذمه واري ګڼي۔
